مع احتياجنا الدائم لتطوير نفسنا في اللغة- لأنها أصبحت متطلب رئيسي للعمل- بنضطر ننزل ندور على مركز كورسات كويس عشان نحسن اللغة عندنا ونضمن وظيفة محترمة. وفي رحلة البحث عن سنتر بتبدأ معاناه تانيه سواء في التكلفة أو بُعد المسافة عن البيت وبنحاول تتجنب اي مضيعه للوقت والمجهود لحد ما نوصل للسنتر المناسب وساعتها بنبدأ نشوف الخدمة المقدمة وسعرها وطبعا التحدي الأكبر مواعيد المحاضرات.. ويا يكون الكلام المعروض علينا مناسب فندفع او مش مناسب فنعيد مرحلة التدوير على سنتر من الأول... طب وليه كل ده ؟!!
النت اللي احنا بنضيع عليه وقت كبير جدا عبارة عن كنز مليان بالكورسات الاونلاين المجانية 100% يبقى ليه تاخد مع مدرس أجنبي في أي سنتر في مصر وتضطر تدفع مبالغ محترمة كل أول ليفل في حين ان عندك أفضل المدرسين الأجانب في العالم على النت وببلاش وانت بنفسك اللي بتحدد المواعيد اللي ممكن تاخد فيها المحاضره ؟!
وعشان اساعدك ومتدورش كتير وتتوه في وسط الكنز ده، في موقع مصر بتتعلم قررنا نجمعلك أقوى 6 قنوات على ال Youtube بيقدموا كورسات تعليم General English and Conversation ببلاش ! كل المطلوب منك بس الانتظام ومشاهدة دروسهم يوميا.
خلينا نبدأ ..
أول قناة Anglo- Link
ودي من أضخم القنوات لتعليم اللغة الانجليزية على ال Youtube، بتمتلك اكتر من 700 الف متابع Subscriber ومحققة لحد دلوقتي 61 مليون مشاهدة ..
لينك القناة
https://www.youtube.com/user/MinooAngloLink/playlists
ثاني قناة هي قناة المدرس الأمريكي الشهير A.J Hoge
بأسلوب عرض شيق، Hoge بيشرحلك ازاي ممكن تذاكر انجليزي وبيعرض حل لمعظم المشاكل اللي قابلتك في طريق تعلمك للغة القناة حاليا عندها أكتر من ربع مليون Subscriber و27 مليون مشاهدة !
لينك القناة
https://www.youtube.com/user/ajhoge/playlists
ثالث قناة هي قناة المُدرسة الرائعة Emma
Emma عندها أسلوب سهل وبسيط في شرح قواعد اللغة والشئ الرائع كمان انها مخصصة جزء في قناتها للتدريب على اختبارات ال IELTS ال ناس بتدفع كتير جدا عشان تحصل عليها ولكنها مجانا 100% على قناة Learn English with Emma
لينك القناة
https://www.youtube.com/user/EnglishTeacherEmma/playlists
نيجي بقا لرابع قناة وهي قناة المُدرسة الأشهر على اليوتيوب Ronnie
قناة Learn English with Ronnie عدت المليون Subscribers لحد دلوقتي وعندها عدد كبير جدا من المشاهدات وصل لأكتر من 110 مليون Views . روني بتمتع بحس فكاهة عالي وطريقة جميلة للشرح واختيار مواضيع تخص المعاملات الحياتيه بال English
لينك القناة
https://www.youtube.com/user/EnglishLessons4U/playlists
القناة الخامسة Voice of America - Learning English
ودي يمكن القناة الأضخم على ال Youtube لتعليم اللغة الانجليزية عشان فيها أكتر 2500 فيديو تعليمي والميزة الكبيرة في القناة دي ان أغلب الفيديوهات معاها English subtitles بمعنى ان الشرح اللي بتسمعه في الفيديو بيظهر مكتوب تحت زي الترجمة
ولكن برضه بالأنجليش وأكيد ده هيقويلك الأستماع جدا .
لينك القناة
https://www.youtube.com/user/VOALearningEnglish/playlists
سادس قناة هي BBC Learning English
وهي أقدم وأشهر قناة تعليمية للغة الإنجليزية على النت كله مش اليوتيوب بس .. القناة عندها أكتر من نصف مليون متابع وحققت 40 مليون مشاهدة لحد انهارده .
لينك القناة
https://www.youtube.com/user/bbclearningenglish/playlists
0 التعليقات:
Post a Comment