من غير كورسات -انطق زي الأجانب في 8 خطوات بس

جبنالكم أنهارده أحسن وأسرع 8 خطوات عشان تحسن نطقك 




عشان يبقا عندك نطق زي الأجانب لازم تعمل ال8 نصائح اللي هنقولهملك دول كلهم مع بعض .. وفي فترة قليلة جدا هتحس بفرق كبير . 

1- أتعلم انك تسمع ! 



قبل ما تحب انك تنطق كويس لازم تكون مهارة السماع عندك كويسة جدا وبتقدر تفرق بين الأصوات .. لو عرفت تسمع الأصوات هتعرف تنطقها كويس ! 


على سبيل المثال : لو قدرت تفرق بين سماعك لكلمة Shin و Chin أو Sleep و Slip يبقا اكيد هتعرف تنطقهم صح زي ما سمعتهم. 

الإنجليزي فيه 44 صوت .. 20 منهم Vowels اصوات مترحكة و 24 Consonants أصوات ساكنة  ودول اللخبطة فيهم او نطق صوت مكان التاني هو سبب انك بتحس ان نطقك مختلف عن الأجانب ومش صح .

وعشان تدرب نفسك على السماع وخاصة سماع الأصوات المتشابهه جبنالكم موقع يعتبر كنز على النت وميعرفوش غير قليلين جداا في مصر رغم انه عالمي وله مئات الالاف من الزوار الموقع ده هو   Rong-chang  والموقع ده بيعتمد على وضع الكلمات اللي ليها اصوات متشابهة جنب بعض وتدريبك عليها.  ملحوظة : موقع    Rong-chang  هو مختص بالنطق الأمريكي اما لو بتحب النطق البريطاني فننصحك بالموقع الأشهر والأكبر BBC Learning English Pronunciation

2- لاحظ ازاي بوقك بيتحرك !




لما بتتكلم بوقك بيتحرك... حركة بوقك دي بتأثر على نطقك . 

أول خطوة لتصحيح حركة وشكل بوقك اثناء نطق الكلمة هو انك تلاحظ الحركه دي بدقة وان كانت شبه حركة البوق عند الاجانب ولا لاء ! 
في طريقتين لملاحظة حركة الفم اثناء النطق :
1- استخدم مراية ودي أسهل طريقة هتخليك شايف بوقك بيعمل ايه اثناء النطق.
2- حط صباعك على بوقك كأنك بتعمل لحد "هششش" .. متحركش صباعك من على بوقك هتحس بشفايفك بتتحرك او بتدفع شفايفك بشكل ما. 

وعشان تعرف انت حركة بوقك صح ولا غلط وزي الاجانب ولا لاء . جبنالك موقع ممتاز وهو  Sounds of English  وده مرفق بيه مش بس سماع الأصوات ومعرفة نطقها الصحيح لأ كمان في فيديو يوريك حركة فم الامريكاني أو البريطاني وهو بينطق الصوت ده  عشان تعرف حركة بوقك صح ولا غلط. 

3- خلي بالك من لسانك !  


حركة اللسان ليها دور كبير جدا في معرفة النطق الصح للكلمات وفي أصوات زي ال R  وال Th اغلب متعلمين اللغة الإنجليزية بيغلطوا فيهم لإنهم مش واخدين بالهم لسانهم بيتحرك ازاي اثناء نطقهم للأصوات دي . 

عشان تنطق ال R صح : 
لف لسانك ورجعه لورا شوية وخلي شفايفك على شكل دائري جرب تنطق كلمة Right بالطريقة دي وشوف اختلاف النطق ;) 
وعشان تنطق ال Th صح : 
الصوت ده مش موجود في اللهجة المصرية لكنه موجود في اللغة العربية وهو حرف الثاء . وعشان تنطقه صح هتعمل نفس اللي بتعمله في العربي . حط لسانك بين صف سنانك العلوي والسفلي وادفع الهوا من بوقك ..خلي الهوا يعدي من بين لسانك وسنانك 
جرب دلوقتي تنطق Think وشوف اتحسنت ازاي ! 

4- قسم الكلمة الواحدة لمقاطع : 




 ودي طريقة تستخدمها مع الكلمات الصعبة اللي ليها اكثر من مقطع .. تقسيم الكلمات دي لمقاطع هيسهلك النطق جدا وعشان تعرف التقسيم الصحيح لمقاطع الكلمة أستخدم الموقع ده How Many Syllables وهو هيقسملك الكلمة التقسيم الصحيح اللي يساعدك على نطقها بشكل سليم .

5- ضيف ال Stress للأصوات والكلمات 





الانجليزي فيه حاجه اسمها Stress ودي تشبه "الشدة"  '  ّ '  .. في الإنجليزي فيه أصوات وكلمات مهمين أكتر من غيرهم !! 
وال Stress في الكلمات هي انك تعلي صوت او مقطع معين في الكلمة وتشدد عليه زي مثلا كلمة Introduce لو لاحظت نطقك ليها هتلاقيك بتنطق duce  بشكل اعلى و أطول من Intro . 

لاحظ ان ال Stress مهمة جدا في الانجليزي .. يعني لو غيرت مكان ال Stress في الكلمة ممكن تغير معناها احيانا ! 
كلمة زي Present مثلا لو نطقتها ب stress  ع المقطع الثاني  preSENT  هتبقى فعل بمعنى "يقدم حاجه" أو "يعرض" .. اما لو نطقتها ب Stress ع المقطع الأول PREsent هتبقا بمعنى"الوقت الحالي" او" هدية" .
وعشان تعرف كل قواعد ال Stress في الانجليزي خش على الصفحة دي مش هياخدوا منك نص ساعة ! 


6-  أستخدم ال Podcast وفيديوهات اليوتيوب



البودكاست برنامج اذاعي بيتسجل ويترفع على النت في شكل ملفات صوتية . في انواع كتير من ال Podcast هيساعدوك تتعلم انجليزي زي The English Language Club  و  Rachel’s English و Pronuncian واكيد قبل كل دول قناتنا على ال Youtube وهي Zatoonet El-Engleezy.



7-  سجل لنفسك ! 


وانت مازلت بتدرب على النطق لازم تجرب وتشوف احرزت تقدم قد ايه .. أفتح الكاميرا الامامية وتخيل نفسك مذيع واقعد اتكلم بالانجليزي .. سجل لنفسك فيديو مش صوت بس عشان تعرف انت بتنطق ازاي مع متابعة حركة بوقك وقارن صوتك وحركة بوقك مع حد اجنبي بيقول نفس الكلام .  هتلاقي اختلاف أول مرة .. جرب تاني وتالت ورابع لحد ما تقول الجملة زي ما الأجنبي قالها ! 


8- اتدرب مع صاحبك 


في مثل مشهور في الإنجليزي بيقول Practice makes perfect وده حقيقي كل ما تتدرب وتمارس اكتر اللغة كل ما هتبقا ممتاز فيها . عشان كده بننصحك في زتونة الإنجليزي انك تدرب مع حد يكون صاحبك "انتيمك" ولو معندكش يبقا تدرب أونلاين ومعانا في المقالة دي موقعين ممتازين تقدر تمارس فيها اللغة مع ناس Native speakers مقابل انك تعلمهم لغتك الأم وهي العربي ! 
أول موقع هو 
والثاني هو 



وبكدة نكون جبنالكم زتونة نطق الإنجليزي ! 
Source : FluentU
Share:

0 التعليقات:

Post a Comment

Popular Posts

Contact us

Name

Email *

Message *

Find Us On Facebook

Zatoona Calendar

Quote of the Day

Website visits

Do you find us helpful?

Alexa Ranking